तिळसे येथे “मासे वाचवा अभियान”

दिनांक 2 मार्च रोजी 'शिक्षक अभ्यास मंडळ 'आणि 'क्वेस्ट' याच्या वतीने महाशिवरात्री निमित्त 'मासे वाचवा अभियान' करण्यात आले. गेल्या तीन वर्षापासून सातत्याने हा कार्यक्रम करण्यात येतो. तिळसे येथील शिवमंदिरात महाशिवरात्रीच्या जत्रेनिमित्त वाडा पूर्व भागातून तसेच मुंबई पासून लोकांची गर्दी होत असते. एक तर हे जागृत देवस्थान आहे ही लोकांची श्रद्धा आहे. तसेच इथल्या कुंडातील माशांची कीर्ती दूरवर पसरली आहे, म्हणून येवढी गर्दी होत असावी. या वर्षी जवळ-जवळ 80,000 च्या आसपास लोक आले होते.